Comezo de curso en verde!

Menuda enerxía traen estes rapaces!!! Hoxe foi un día de reencontros para todos, no que quixemos dar mostra do que vai ser un curso 2019-20 moi participativo!!!

Para nós, como centro, é moi importante tecer unhas boas relacións entre o alumnado:

Por outro lado, estamos convencidas que o coñecemento do entorno no que vivimos fomenta valores de respecto, colaboración e responsabilidade ante o medio natural.

O primeiro día de clase deseñamos unha "actividade introdutoria" sobre as árbores que máis abundan en Louro, para recibir e ir facendo partícipe ó noso alumnado do que vai ser este curso:

Observamos, diferenciamos e clasificamos:

 Comezamos o noso caderno de campo:

E saímos a ver se atopamos algunha no patio, de paso recollemos unhas pólas ás que lles daremos moitos usos...

Xogamos a recoñecelas:

E que me dicides de todos eses seres que viven nos bosques...

Existen máis cousas e seres dos que vemos cos ollos de ver.

Basta un pouco de sensibilidade, abrir os ollos, preparar a orella e aguzar o olfacto,

e arredor de nós irase  poboando todo de seres tan variados coma a nosa fantasía.

Durante anos a xente soñou  seres marabillosos, e , na medida en que os soñaba, existían.

Isto que ven a continuación é froito do noso guichar o ollo e da nosa imaxinación,

 pero os seres da fraga non se esgotan nestas páxinas.

Escondidos entre as árbores hai moitos

que agardan por ti para teren vida.

Todo o alumnado saiu a buscar entre as árbores do patio seres da mitoloxía galega que estaban agochados e que aparecen neste fermoso libro...despois, nas clases, comentaron as súas peculiaridades.

E se xuntamos todo nun mural...

O alumnado de 4º, 5º e 6º desfrutará cunha lectura que non pode faltar na etapa de primaria da man de Agustín Fernández Paz e cun protagonista moi especial, o trasno "Derdrin":